الجمهورية
محمود معروف
تلكس إلي :
يا رايحين للنبي الغالي تصحبكم السلامة.. نسألكم الفاتحة!!
جماهير الأهلي :
¼ ¼ يا أولاد المحظوظة العيد جالكم قبل ميعاده!!
الأهلي :
¼ ¼ سيبوا حاجة للغلابة.. انتو إيه مابتشبعوش؟!!
جماهير الزمالك :
¼ ¼ المفروض تفرحوا مش تزعلوا.. الأهلي خلص تاركم من أبوالعربي!!
المرحوم سيد متولي :
¼ ¼ الله يرحمك قلت زمان بعد هدف علاء ميهوب.. مفيش فايدة مع الناس دي.. دي ناس محظوظة!!
المصري :
¼ ¼ شرفتم بورسعيد.. كنتم رجالا وتستحقون الكأس.. بس شوية بخت من بتوع أصحابنا!!
لجنة المسابقات :
¼ ¼ أي مباراة للمصري مع الأهلي في الكأس تبقي 85 دقيقة.. وبالإضافي 125 دقيقة بس!!
اتحاد الكرة :
اعتبار لاعبي سوريا ولاعبي فلسطين كأنهم مصريون قرار رائع ويفكرنا بأيام الوحدة مع سوريا!
السفير السعودي أحمد قطان :
¼ ¼ ماشية معاكم حلاوة.. دوري وكأس وسوبر وافريقية.. وحج.. مبروك يا عم!!
عمرو موسي لاعب المصري :
¼ ¼ يا ابني سيبك من الكورة والعب سياسة جايز تبقي وزير زي صاحبك!!
"كابوريا" لاعب المصري :
¼ ¼ علشان تاخدوا الكأس لازم الفريق يبقي عنده كابوريا وجمبري واستاكوزا وبرضه بساريا.
فريد شوقي لاعب المصري :
¼ ¼ فريد شوقي لوحده ماينفعش.. لازم يبقي معاه محمود المليجي!!
علاء ميهوب :
¼ ¼ .. انت رجعت تاني زي طلعت حرب؟!
علي معلول لاعب الأهلي :
¼ ¼ نصف الفريق كان "معلول" وبرضه أخذوا الكأس!!
حسام حسن :
¼ ¼ ابسط يا عم محمود طاهر قال في حقك كلمتين حلوين.. يعني من الآخر عايزك ترجع الأهلي.. إيه رأيك؟
حسام البدري :
¼ ¼ .. زي المنشار.. طالع دوري.. نازل كأس!!
مصطفي فتحي :
¼ ¼ عمال تصول وتجول وتسجل أهداف لنادي التعاون السعودي.. امال كنت بتعمل إيه في الزمالك!!
اتحاد الطائرة :
¼ ¼ سمعنا إن بطولة العالم للطائرة ستنطلق غداً في القاهرة.. هي بطولة سرية؟!
الزمالك :
¼ ¼ المدرب الروماني عايز معاه 8 مساعدين أجانب.. عندي فكرة مايجيب كمان 3 ويبقوا 11 ويشتركوا في الدوري!!
نادية عبده ومحافظ البحيرة :
¼ ¼ زمان غنت الفنانة شادية ياللي من البحيرة.. وياللي من أخر الصعيد.. ياريت تقننوا الأراضي قبل العيد!!
تعليقات
اقرأ ايضا
الصحف